BCCI Annual Contract: ଟିମ୍ ଇଣ୍ଡିଆର କେଉଁ ଖେଳାଳିଙ୍କୁ ମିଳିବ କେତେ ଟଙ୍କା? BCCI କହିଲା

BCCI Central Annual Contract List: ଗତକାଲି (ରବିବାର) ଅର୍ଥାତ ମାର୍ଚ୍ଚ ୨୭ରେ ଭାରତୀୟ କ୍ରିକେଟ୍ ପ୍ରଶଂସକଙ୍କ ପାଇଁ ଏକ ବଡ଼ ଖବର ଆସିଛି । ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ ବା ବିସିସିଆଇ (BCCI) ରବିବାର ଖେଳାଳିଙ୍କ ବାର୍ଷିକ ଚୁକ୍ତିନାମା (BCCI Central Annual Contract) ଘୋଷଣା କରିଛି । ଏହି ଚୁକ୍ତିନାମା (BCCI Annual Contract) ରେ କିଛି ଖେଳାଳିଙ୍କୁ ପ୍ରମୋସନ୍ ମିଳିଛି ତ ଖରାପ ଫର୍ମ ସହ ସଂଘର୍ଷ କରୁଥିବା ଜଣେ ଭେଟେରାନଙ୍କୁ ଡିମୋସନ୍ କରାଯାଇଛି । ଭାରତୀୟ କ୍ରିକେଟ ବୋର୍ଡ BCCI ୪ଟି ବିଭିନ୍ନ ବର୍ଗ ପାଇଁ ଖେଳାଳୀଙ୍କୁ ବାର୍ଷିକ ଚୁକ୍ତିନାମା ଦେଇଥାଏ । ଭାରତୀୟ କ୍ରିକେଟ କଣ୍ଟ୍ରୋଲ୍ ବୋର୍ଡ (BCCI) ଦ୍ୱାରା ରବିବାର ପ୍ରକାଶିତ ବାର୍ଷିକ ଚୁକ୍ତିନାମା ତାଲିକାରେ ଟିମ୍ ଇଣ୍ଡିଆର ଷ୍ଟାର୍ ଅଲରାଉଣ୍ଡର ରବିନ୍ଦ୍ର ଜାଡେଜା (Ravindra Jadeja) ଙ୍କୁ ସର୍ବାଧିକ ଲାଭ ମିଳିଛି । ରବିନ୍ଦ୍ର ଜାଡେଜା ବର୍ତ୍ତମାନ Aରୁ A+ ବର୍ଗରେ ପହଞ୍ଚିଛନ୍ତି ।

ବର୍ତ୍ତମାନର ଅଧିନାୟକ ରୋହିତ ଶର୍ମା (Rohit Sharma), ଷ୍ଟାର୍ ବ୍ୟାଟ୍ସମ୍ୟାନ୍ ବିରାଟ କୋହଲି  (Virat Kohli) ଏବଂ ଆହତ ପେସର ଜସପ୍ରୀତ ବୁମ୍ରା (Jasprit Bumrah) ଏହି ବର୍ଗରେ ସାମିଲ ଅଛନ୍ତି । ଏହି ଚାରି ଖେଳାଳିଙ୍କୁ ବୋର୍ଡ ଦ୍ୱାରା ବାର୍ଷିକ ୭ କୋଟି ଟଙ୍କା ଦିଆଯିବ । ଆପଣଙ୍କୁ କହି ରଖୁଛୁ ଯେ, ଖେଳାଳିମାନଙ୍କୁ ବାର୍ଷିକ ଏ+ ବର୍ଗରେ ୭ କୋଟି, ଏ ବର୍ଗରେ ୫ କୋଟି, ବି ବର୍ଗରେ ୩ କୋଟି ଏବଂ ସି ବର୍ଗରେ ୧ କୋଟି ଟଙ୍କା ପାଇବେ ।

ଅଲରାଉଣ୍ଡର ରବିନ୍ଦ୍ର ଜାଡେଜାଙ୍କୁ ଗ୍ରେଡ୍ ଏ ପ୍ଲସ୍ ବର୍ଗରେ ରଖାଯାଇଥିବାବେଳେ ଟିମ୍ ଇଣ୍ଡିଆର ପୂର୍ବତନ ଉପ-ଅଧିନାୟକ କେ.ଏଲ୍ ରାହୁଲ (KL Rahul) ଙ୍କୁ ଡିମୋସନ କରାଯାଇଛି । ସେ ବର୍ତ୍ତମାନ ଗ୍ରେଡ୍ ବି ସ୍ଲାବରେ ଆସିଛନ୍ତି, ଯାହା ପୂର୍ବରୁ ଏରେ ଥିଲେ । ଓପନର୍ କେଏଲ ରାହୁଲଙ୍କୁ ଅକ୍ଟୋବର ୨୦୨୧ରୁ ସେପ୍ଟେମ୍ବର ୨୦୨୨ ପର୍ଯ୍ୟନ୍ତ ଗ୍ରେଡ୍ ଏ (୫ କୋଟି ଟଙ୍କା) ସ୍ଲାବରେ ରଖାଯାଇଥିଲା । ନିକଟ ଅତୀତରେ ରାହୁଲ ଖରାପ ଫର୍ମ ସହ ସଂଘର୍ଷ କରୁଛନ୍ତି । ବର୍ଡର-ଗାଭାସ୍କର ଟ୍ରଫି ଟେଷ୍ଟ ସିରିଜରେ ତାଙ୍କୁ ଉପ-ଅଧିନାୟକ ପଦରୁ ହଟାଇ ଦିଆଯାଇଥିଲା । ଏବେ ତାଙ୍କୁ ଆଉ ଏକ ବଡ଼ ଝଟକା ଦିଆଯାଇଛି । କେବଳ ଏତିକି ନୁହେଁ, ସେ ସିରିଜ୍ ମଝିରେ ଭାରତୀୟ ପ୍ଲେଇଙ୍ଗ-11ରୁ ମଧ୍ୟ ଡ୍ରପ୍ ହୋଇଥିଲେ ।

BCCI ଦ୍ୱାରା ରବିବାର ପ୍ରକାଶିତ ବାର୍ଷିକ ଚୁକ୍ତିନାମା ତାଲିକାରେ ଇନ୍-ଫର୍ମ ଓପନର୍ ଶୁଭମାନ ଗିଲ  (Shubman Gill) ଙ୍କୁ ଗ୍ରେଡ୍ ବି ଚୁକ୍ତିନାମା ଦିଆଯାଇଛି । ଏଥି ସହିତ ଉଦୀୟମାନ ତାରକା ଇଶାନ କିଶନ, ଦୀପକ ହୁଡା ଏବଂ ଅର୍ଶଦୀପ ସିଂ ପ୍ରଥମ ଥର ପାଇଁ କେନ୍ଦ୍ରୀୟ ଚୁକ୍ତିନାମା ପାଇଛନ୍ତି । ଫର୍ମକୁ ଫେରିଥିବା ଚାଇନାମ୍ୟାନ ସ୍ପିନର କୁଲଦୀପ ଯାଦବ ମଧ୍ୟ ତାଙ୍କ ଚୁକ୍ତି ଫେରି ପାଇଛନ୍ତି ଓ ଗ୍ରେଡ୍ ସିରେ ଅଛନ୍ତି । ସେହିପରି ବିସିସିଆଇ ଖେଳାଳିଙ୍କ ବାର୍ଷିକ ଚୁକ୍ତିନାମା (BCCI Annual Contract List) ରେ ୩ ଖେଳାଳି ପ୍ରମୋସନ୍ ପାଇଛନ୍ତି । ବିସିସିଆଇର ନୂତନ କେନ୍ଦ୍ରୀୟ ଚୁକ୍ତି (BCCI Central Contract ) ରେ ଷ୍ଟାର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା (Hardik Pandya) ଓ ମିଷ୍ଟର 360 ଡିଗ୍ରୀ ବ୍ୟାଟ୍ସମ୍ୟାନ୍ ସୂର୍ଯ୍ୟକୁମାର ଯାଦବ (Suryakumar Yadav) ଙ୍କୁ ପଦୋନ୍ନତି ଦିଆଯାଇଛି । 

ଏହିପରି ରହିଛି ତାଲିକା 

ରୋହିତ ଶର୍ମା, ବିରାଟ କୋହଲି, ଜସପ୍ରୀତ ବୁମ୍ରା ଏବଂ ରବିନ୍ଦ୍ର ଜାଡେଜା ଏ + ଗ୍ରେଡ୍ ଚୁକ୍ତିରେ ଅଛନ୍ତି । ହାର୍ଦ୍ଦିକ ପାଣ୍ଡ୍ୟା, ରବିଚନ୍ଦ୍ରନ ଅଶ୍ୱିନ୍, ପେସର୍ ମହମ୍ମଦ ଶାମି, ଋଷଭ ପନ୍ତ ଏବଂ ଅକ୍ସର ପଟେଲ ଗ୍ରେଡ୍-ଏରେ ଅଛନ୍ତି । ଚେତେଶ୍ୱର ପୂଜାରା, କେ.ଏଲ୍ ରାହୁଲ, ଶ୍ରେୟସ୍ ଆୟର, ମହମ୍ମଦ ସିରାଜ, ସୂର୍ଯ୍ୟକୁମାର ଯାଦବ ଏବଂ ଶୁଭମାନ ଗିଲ ବି ଗ୍ରେଡରେ ଅଛନ୍ତି । ଗ୍ରେଡ୍ ସିରେ ସର୍ବାଧିକ ୧୧ ଜଣ କ୍ରିକେଟର ଅଛନ୍ତି- ଉମେଶ ଯାଦବ, ଶିଖର ଧାୱନ, ଶାର୍ଦ୍ଦୁଲ ଠାକୁର, ଇଶାନ କିଶନ, ଦୀପକ ହୁଡା, ୟୁଜଭେନ୍ଦ୍ର ଚହଲ, କୁଲଦୀପ ଯାଦବ, ୱାଶିଂଟନ୍ ସୁନ୍ଦର, ସଞ୍ଜୁ ସାମସନ, ଅର୍ଶଦୀପ ସିଂ ଏବଂ କେ.ଏସ୍ ଭରତ ।

ଏଠାରେ କହି ରଖୁଛୁ ଯେ, ଟିମ୍ ଇଣ୍ଡିଆ (Team India) ର ଷ୍ଟାର୍ ଦ୍ରୁତ ବୋଲର ଜସପ୍ରୀତ ବୁମ୍ରା (Jasprit Bumrah) ଙ୍କ ନ୍ୟୁଜିଲ୍ୟାଣ୍ଡରେ ବ୍ୟାକ୍ ସର୍ଜରୀ ହୋଇସାରିଛି । ତେବେ ଜସପ୍ରୀତ ବୁମ୍ରା (Jasprit Bumrah) ଙ୍କ ସୁସ୍ଥ ହେବା ପ୍ରକ୍ରିୟା ଓ ଆଘାତର ଗମ୍ଭୀରତା ସମ୍ପର୍କରେ କୌଣସି ସୂଚନା ଦିଆଯାଇ ନାହିଁ । ବର୍ତ୍ତମାନ ଏକ ସଦ୍ୟତମ ରିପୋର୍ଟ ଅନୁଯାୟୀ, କେବଳ ଜାତୀୟ କ୍ରିକେଟ୍ ଏକାଡେମୀ (NCA) ର ପ୍ରମୁଖ ଭିଭିଏସ୍ ଲକ୍ଷ୍ମଣ (VVS Laxman) ଜସପ୍ରୀତ ବୁମ୍ରା (Jasprit Bumrah) ଙ୍କ ବିଷୟରେ ଜାଣିଛନ୍ତି । ଏହା ବ୍ୟତୀତ ଜସପ୍ରୀତ ବୁମ୍ରାଙ୍କ ସହ କୌଣସି ଖେଳାଳି କିମ୍ବା ଚୟନକର୍ତ୍ତାଙ୍କୁ କଥାବାର୍ତ୍ତା କରିବାକୁ ଅନୁମତି ନାହିଁ ।

ଟେଷ୍ଟ କ୍ରିକେଟର ଶ୍ରେଷ୍ଠ ବୋଲରଙ୍କ ମଧ୍ୟରେ ଜସପ୍ରୀତ ବୁମ୍ରା (Jasprit Bumrah) ଙ୍କ ଗଣିତ ହୋଇଥାଏ । ଜସପ୍ରୀତ ବୁମ୍ରା ଭାରତୀୟ ଦଳ ପାଇଁ ୩୦ଟି ଟେଷ୍ଟ ମ୍ୟାଚରେ ୧୨୮ ୱିକେଟ୍ ନେଇଛନ୍ତି । ଗତ ୮-୯ ମାସ ଧରି ଦ୍ରୁତ ବୋଲର ଜସପ୍ରୀତ ବୁମ୍ରା ଟିମ୍ ଇଣ୍ଡିଆରୁ ଦୂରେଇ ଅଛନ୍ତି । ଜସପ୍ରୀତ ବୁମ୍ରା ଶେଷ ଥର ପାଇଁ ସେପ୍ଟେମ୍ବର ୨୦୨୨ରେ ଅଷ୍ଟ୍ରେଲିଆ ବିପକ୍ଷ ଟି-20 ସିରିଜରେ ଖେଳିଥିଲେ ।  ସେ ଏପର୍ଯ୍ୟନ୍ତ ଭାରତ ପାଇଁ ୩୦ଟି ଟେଷ୍ଟ, ୭୨ଟି ODI ଏବଂ ୬୦ଟି ଟି-20 ଅନ୍ତର୍ଜାତୀୟ ଖେଳିଛନ୍ତି । ପିଠିରେ ଆଘାତ ଲାଗିଥିବାରୁ ସେ ଗତ ବର୍ଷ ସେପ୍ଟେମ୍ବରରୁ ପଡ଼ିଆରୁ ଦୂରେଇ ଅଛନ୍ତି ।

ଅଧିକ ପଢ଼ନ୍ତୁ:-ଟିମ୍ ଇଣ୍ଡିଆର ଏହି ଖେଳାଳିଙ୍କୁ BCCI ଦେଲା ସବୁଠାରୁ ବଡ଼ ପ୍ରମୋସନ୍, ମିଳିବ କୋଟି କୋଟି ଟଙ୍କାର ଲାଭ!

ଅଧିକ ପଢ଼ନ୍ତୁ:-ସୂର୍ଯ୍ୟାସ୍ତ ପରେ ଭୁଲରେ ବି କରନ୍ତୁନି ଏହି ୫ଟି କାମ, ନଚେତ୍ ଜୀବନରେ ଆସିବ ଅନେକ ସମସ୍ୟା!

ଅଧିକ ପଢ଼ନ୍ତୁ:-ଆଇପିଏଲରେ ଖେଳିପାରିବେନି ବାଂଲାଦେଶ-ଶ୍ରୀଲଙ୍କାର ଖେଳାଳି! ଜାଣନ୍ତୁ କ'ଣ ରହିଛି BCCIର ପ୍ଲାନ୍

ସୂଚନାଯୋଗ୍ୟ, ଆଇପିଏଲ୍ ଶେଷ ହେବାର ପ୍ରାୟ ଏକ ମାସ ପରେ ଭାରତୀୟ ଦଳ ୱେଷ୍ଟଇଣ୍ଡିଜ୍ ଗସ୍ତ (India Tour Of West Indies) ରେ ଯିବ । କିନ୍ତୁ ଏହାପୂର୍ବରୁ ଜୁଲାଇ-ଅଗଷ୍ଟରେ ହେବାକୁ ଥିବା ଏହି ଯାତ୍ରା ବିଷୟରେ ସାମାନ୍ୟ ପରିବର୍ତ୍ତନ କରାଯାଇଛି । ଟିମ୍ ଇଣ୍ଡିଆ (Team India) ଏହି ଗସ୍ତରେ ୨ଟି ଟେଷ୍ଟ ମ୍ୟାଚ୍, ୩ଟି ଟି-20 ମ୍ୟାଚ୍ ଓ ୩ଟି ODI ଖେଳିବାର ଥିଲା । କିନ୍ତୁ ବର୍ତ୍ତମାନ ଏହି କାର୍ଯ୍ୟସୂଚୀ ବଦଳିଛି । ବର୍ତ୍ତମାନ ଏହି ଗସ୍ତରେ ୧୦ଟି ମ୍ୟାଚ୍ ଖେଳାଯିବ । ଏହି ଗସ୍ତରେ ଅନୁଷ୍ଠିତ ହେବାକୁ ଥିବା ୩ଟି ଟି-20 ମ୍ୟାଚ୍ ବଦଳରେ ବର୍ତ୍ତମାନ ମୋଟ ୫ଟି ଟି-20 ମ୍ୟାଚ୍ (India vs West Indies) ଖେଳାଯିବ । କ୍ରିକବଜ୍ ରିପୋର୍ଟ ଅନୁଯାୟୀ ଏହି ସୂଚନା ସାମ୍ନାକୁ ଆସିଛି । ବିସିସିଆଇ (BCCI) ଏପର୍ଯ୍ୟନ୍ତ ଏନେଇ କୌଣସି ଆଧିକାରୀକ ଘୋଷଣା କରିନାହିଁ ।